Siku hiyo Juma alikaa barazani, amejishika kidevu huku akitazama rundo la mchele ambao ulimshinda kuhesabu. Njaa ilikuwa inamnyemelea kwa namna ambayo alihisi utumbo wake unajikunja kama kamba ya kuanikia nguo. Alikumbuka kijijini kwao walivyokuwa wanamsifia kuwa "anakwenda mjini kutafuta maisha."

Alijisemea kwa sauti, "Haya maisha mbona nayatafuta tangu nimefika lakini hata dalili ya pua yake sioni?"

Akaamua kuchukua kipande cha karatasi cha rambo na mkaa, akaandika ujumbe mkubwa na kuubandika kwenye ukuta wa nje wa chumba chake. Ujumbe ulisomeka: **"Mlioenda Dar kutafuta maisha, mkiyaona yangu mniletee."**

Mpangaji mmoja aliyekuwa anapita na beseni la maji alicheka akamuuliza, "Juma, kwani maisha yako yanafananaje? Ni mafupi au marefu?"

Juma akamtazama kwa huzuni na kumjibu, **"Huna hela halafu unajiombea maisha marefu, ukipewa hayo maisha marefu utakula nini? Mimi natafuta yale maisha ya kula kwanza, mengine baadaye."**

Aliamua kuingia ndani na kujilaza. Akiwa hapo, panya mmoja alipita akiwa amebeba punje ya mchele aliyoiiba jana. Juma alimtazama yule panya akasema, "Hata wewe una maisha bora kunishinda. Una uhakika wa chakula, una familia, na kodi hulipi."

Akiwa katika mawazo hayo mazito ya kukata tamaa, akakumbuka kuwa kodi ya chumba chake inaisha kesho. Akapata wazo la ajabu ambalo lingemfanya mwenye nyumba azirai kwa mshangao.

---

**Kionjo cha Episode 12:** Juma anajua hana hela ya kodi, hivyo anaamua kumpa ofa mwenye nyumba ambayo haijawahi kutokea katika historia ya upangaji. Usikose **Ep 12: "Mpangaji Mpangisha."**