✦ Matangazo ✦

Story Tamu

Episode 2

Simu ya Usiku wa Manane

Mlio wa simu uliendelea kupiga kwa msisitizo uliokata ule mlio wa mahaba uliokuwa ukitawala chumbani. Asu alikuwa bado amenikumbatia kwa miguu yake miwili, pumzi zake za moto zikigonga kwenye shingo yangu huku kifua chake kikipanda na kushuka kwa uchovu wa ule utamu tuliokuwa tunaufaidi.

"Mume wangu, usipokee bwana... achana nayo," Asu alinong'ona kwa sauti ya kilelevi, akipitisha vidole vyake laini kwenye mgongo wangu kunivuta turudi kwenye ulimwengu wetu.

Lakini skrini ya simu ilikuwa inamulika jina la Juma, rafiki yangu wa damu tangu utotoni ambaye sasa anafanya kazi kitengo cha pasipoti na visa pale Idara ya Uhamiaji. Juma hakuwa mtu wa kupiga simu saa tano usiku bila sababu ya msingi. Nilijinasua taratibu kwenye mikono ya Asu, nikalifikia benki la kitanda na kuinyanya ile simu.

"We mzee, mbona unapiga saa hizi? Nilikuwa kazini," nilisema kwa sauti ya utani iliyochanganyika na uchovu wa mahaba.

Lakini sauti ya Juma upande wa pili haikuwa na utani hata kidogo. Alikuwa anapumua kwa kasi. "DICK, uko wapi sasa hivi? Uko na Asu?"

"Niko naye kwangu, kwani kuna nini?" nilimuuliza, huku naye Asu akikaa kitandani, akivuta lile gauni lake jepesi kujifunika matiti, macho yake yakinitazama kwa shuku.

"DICK, naomba ufungue WhatsApp yako sasa hivi. Nimekutumia picha na mafaili ya kuingia nchini. Kuna jamaa anaitwa Frank, anaishi Dallas, Marekani. Amekata viza ya kuja nchini mwezi wa nane kwa ajili ya harusi yake mwezi wa tisa. DICK... picha ya mwanamke aliyewasilisha kama mke wake mtarajiwa ili apate viza ya makazi ya huko... ni Asu. Angalia picha kwanza halafu unipigie." Juma alikata simu.

Mwili wangu wote ulipata ganzi. Vidole vyangu vilitetemeka nilipofungua WhatsApp. Picha ya kwanza ilikuwa ni cheti cha makubaliano ya posa na risiti ya mahari ya Shilingi Milioni Saba taslimu. Chini yake, kulikuwa na picha ya familia. Alikuwa ni baba yake Asu, mama yake mdogo, na katikati yao alisimama Asu akiwa ameshika picha kubwa ya mwanaume mwingine, huku katikati ya meza kukiwa na keki iliyoandikwa: “Welcome to the Family, Frank.”

Tarehe ya ile picha na risiti ilionyesha ilikuwa ni miezi miwili tu iliyopita. Yaani miezi miwili baada ya mimi kutoa mahari yangu na kupangiwa harusi mwezi wa tisa!

Nilihisi damu yote inanikimbia kichwani. Niliigeuza skrini ya simu na kumwonyesha Asu aliyekuwa bado amelala pale kitandani.

"Asu... nifafanulie hii picha ni ya nini? Na huyu Frank ni nani?" Nilisema kwa sauti ambayo mimi mwenyewe sikuamini kama ni yangu. Ilikuwa imekauka, imejaa mtetemeko wa hasira na maumivu makali.

Asu alipoitazama ile skrini, rangi ya uso wake ilibadilika ghafla kutoka kwenye wekundu wa mahaba na kuwa mweupe kama karatasi. Alijaribu kusema kitu, lakini midomo yake ikawa inatetemeka bila sauti kutoka. Skrini ilimulika machozi yaliyoanza kumbubujika kwa kasi, yakilainisha mashavu yake ambayo sekunde chache zilizopita nilikuwa nayabusu kwa shauku.


Utangulizi wa Kipindi Kijacho:
Katika Episode 3: Kilio cha Msaliti, siri inaanza kupasuka katikati ya kitanda cha mahaba. Asu anaanguka magoti akilia na kuapa kuwa yeye ni mhanga wa tamaa ya baba yake mzazi, lakini DICK anashindwa kuamini kama kuna binti anaweza kuvishwa pete na kupigwa picha ya mahari bila yeye kujua. Je, huu ni ukweli au ni igizo la Asu kulinda penzi lake? Usikose sehemu inayofuata!